تعلم دهان الاخشاب وانواع الدهان - قريه كتامه

تعلم دهان الاخشاب وانواع الدهان

زيارة

444٬435

تعليق

94

sayed shandidy
sayed shandidy
قرية كتامة

تعلم دهان الاخشاب وانواع الدهان

كيفيه دهان الاثاث:

الدهان بيتم لتغيير لون الخشب واعطاء الشكل الجمالى لغرف النوم والسفره وكل انواع الاثاث و ايضا الدهان يحمى الخشب من تشققات ومن عمليه تفتيح الخشب والدهان بيعطى الشكل الجمالى على حسب ديكورات غرف النوم لكل عميل .

انواع الدهان :

1- دهانات الدوكو

2- دهانات البوليستر

3- دهانات دوكو شفاف

 

 

أولا دهانات الدوكو

هى دهانات تخص شغل غرف نوم الاطفال اللاكيه المميزه بالوانها الفاتحه لغرف نوم الاطفال وتسمى بدهانات اللاكيه وايضا غرف نوم على حسب طلب العميل

مثال لدهان الدوكو

شكل ( 1 )

تعلم دهان الاخشاب وانواع الدهان

تعلم دهان الاخشاب وانواع الدهان

طريقه دهانات الدوكو (اللاكيه ) :

اولا : محتوى الدوكو ( غراء + جبس + سبيداج للمعجونه هذه المحتويات تخلط مع الماء )

ثم تتم عمليه تكوين المعجون ونقوم بسحب سكينتين من المعجون على جميع محتويات الغرفه ثم القيام بعمليه سنفره الاسطح العاليه لمحاذاه جميع الاسطح بمستوى واحد

دهان سيلر بعد عمليه المعجون ( ماده السيلر قم بشراءها فهى ماده جاهزه ) يخفف السيلر بالتنر بدرجه متوسطه ثم البدء فى عمليه دهان الغرفه بالفرشاه ثم ترك الشغل لمده نص ساعه.

 – ثم ينعم السيلر المدهون على الخشب بواسطه سنفره ناعمه (سنفره 280 ) بعد تركه لمده نص ساعه

ثم بعد ذلك عمليه رش البوليستر : هى طبقه صلبه فوق السيلر وهذه الخطوه من الدهانات الحديثه للخشب ماده تقوم بانشاء مسطح متساوى للاسطح وتملاء المسامات الفارغه ونقوم بشراء هذه الماده جاهزه بيضاف اليها معجن جفاف ثم تخلط مع المصلب ( ماده جاهزه)

ثم يترك لمده يوم او يومين لكى يعضم الخشب ويكون ذو ملمس ناعم وجاهز للسنفره

وبعد تركه المده نقوم بسنفره الخشب كامل سنفره بوليستر ناعمه 180 – ناتى بالمعجون الذى قمنا بعمله فى المرحله الاولى لنقوم بتلقيط بعض المسامات الفارغه ( وهذه العمليه تسمى ترديد)

لكى يكون العمل والعيوب المفتحه تم معالجتها ثم تسنفر المعجونه على الخشب لكى يتم تجهيزها للبدء عمليه رش الفلر او السلفسر ( طبعه قبل التشطيب تشترى جاهزه ) ثم تنعمل بسنفره ناعمه 320

الخطوه الاخيره : هى اختيار لون الغرفه المطلوب دهانه المناسب للديكور الخاص بالغرفه

اختيار الالوان

يتم دهان اللون ورشه بواسطه مسدس الرش ( اللون الذى تم اختياره ) واللون بيتم شراءه جاهز ولكن بيضرب على بعضه للحصول على درجه اللون

رش بالمسدس

يتم بعد رش اللون يتم تجهيز الطبقه الزجاجيه اللميع او المط على حسب اختيار العميل ويتم ورشها فى مكان مغلق يسمى فرن ثم تشغيل الحراره لمده ربع ساعه على حسب درجه الحراره تبع الفرن افضل درحه تترواح من 40 الى 70 درجه

وهذه الخطوه الاخيره

بواسطه : علاء صايمه لاحدث دهانات غرف النوم

تابعنا فى مقالات اخرى  عن :

 2- دهانات البوليستر      3- دهانات دوكو شفاف



تعلم دهان الاخشاب وانواع الدهان

  1. Avatar يقول مهندس رفعت:

    الاخ علاء تحياتى على تلك المعلومات ولكن لى ملحوظه هامه لا يجب ان يرش البوليستر على السىلر مباشره لان المادتين لا يوجد تماسك بينهما فمن الممكن بعد فتره زمنيه ان تنفصل طبقه البوليستر عن طبقه السيلر لذا يجب ان ترش ماده العازل على السيلر وتترك لتجف تماما ثم يرش البوليستر بعد ذلك. تقبل تحياتى

    • sayed shandidy يقول sayed shandidy:

      ثم يترك لمده يوم او يومين لكى يعضم الخشب ويكون ذو ملمس ناعم وجاهز للسنفره

    • Avatar يقول ابو عبده:

      عاوز أعرف طريقة عمل الأبواب بوليستر والكمية المطلوبة لعشر ابواب

      • sayed shandidy يقول sayed shandidy:

        بستله سيلر 8ك/بستلة بولستر10ك
        2جركن تتر.
        2جالون مط
        قابله لزياده بسيطه

        أولا هنسنفر الباب كويس
        وبعدين نديله سيلر بالفرشاة
        وبعدين نمعجن الباب ونلون المعجون بنفس لون الباب (لون القشره)
        وبعدين نسنفر الباب جيدا
        وبعدين نديله وش سيلر
        وبعدين نرشه بوليستر
        ونتركه ينشف (يعضم)
        وبعدين نصفيه (سنفره.ناعمه)
        وبعدين لو فيه تلقيطة.معجون وبعدين نسنفرها سريعا
        وبعدين مرحله الألوان علي حسب الإختيار
        وبعدين وجه مط (التشطيب)

  2. Avatar يقول محمد السيد:

    ما اسم مادة العازل يا باشمهندس رفعت بعد اذنك

  3. Avatar يقول مريم:

    و هل توجد انواع لدهن مكتب و يصبخ شكله نااعم

  4. Avatar يقول ابو عمار:

    اذا كان هناك سطح كونتر مش متساوي المفروض نمعجن بسكين حائط علشان يكون متساوي ولا ايه المطلوب

  5. Avatar يقول احمد محمد احمد:

    بعمل مطبخ دوكو اسود مع ابيض عند النجار ولما شفته للأسف لقيت دهان الضلف السوداء مش درجة واحدة صافية زي ما تكون فيها تقليمات عريضة وشكله مش زي العربيات دهان صافي
    يا تري ايه السبب من فضلكم

  6. Avatar يقول احمد محمد احمد:

    بعمل مطبخ خشب كونتر بدهان دوكو اسود في ابيض عند النجار ولما روحت اتفرج علي الدهان معجبنيش للاسف
    الدهان الدوكو مش صافي زي العربيات لكن زي ما يكون في تقليمات منه فيه
    ولما سألت النجار رد بإن السبب هو ان الضلف مصنوعة من الكونتر وهي بتدي التأثير ده مع دهان الدوكو
    فهل يا تري في حل

  7. Avatar يقول wesam elbeshbeshy:

    أحيي حضرتك على هذا الشرح الوافى وشكرا لحضرتك فبموضوعك هذا وضحت للناس العاديه كيفيه الطلاء
    للأسف عملت غرفتين نوم أطفال وكان دهانهم سئ جدا
    وسؤ دهانهم ملحوظ حتى بدون معرفه كل تلك الخطوات

    عند لمس أى شئ فيهم يخربش وظهر الخشب وده معناه انها مأخدتش كل الخطوات دى
    علاجهم أى سنفرة ودهان تانى ولا لازم إزاله اللون نهائيا
    ولا أعطيهم طبقه الملمع النهائية ( على العلم هم مأخدوهاش ) ودى تبقي كافيه واسمها ايه
    ولحضرتك جزيل الشكر والتحيه

  8. Avatar يقول wesam elbeshbeshy:

    تحياتى لحضرتك على هذا الشرح الوافى
    انا عملت غرفتين نوم ولكن دهانهم سئ للغايه لو لمسو يتخربش الدهان ويظهر الخشب وطبعا مأخدوش الطبقة النهائية
    ما هو علاجهم
    برجاء الاهتمام

  9. Avatar يقول محمد احمد:

    انا عايز اسال حضرتك عن افران دهان الخشب فكرتها ايه وازاي تشتغل

  10. Avatar يقول S:

    سؤال : الخشب الحراري اقدر ادهنه ولا لا ؟
    و شكرا ❤️

  11. Avatar يقول حنان:

    انا عايزة اتصل بحضرتك شخصيا ضروريا لو ينفع يبقي فيه تعاون بينا في تنفيذ مجموعة من الغرف وَيَا ريت اعرف وسيلة اتصال بحضرتك وجزاك الله كل خير وفي انتظار الرد

  12. Avatar يقول محمد:

    شكرا على الشرح الجميل
    بس سؤال انا عندي غرفه نوم مدهونه لاكيه مط غامق والمشكله عندي ان اي حد بيلمسه بيترك اثر فيه(بيبصم) وكل شويه بيحتاج تنظيف ومش عارف ايه الحل؟ هل ينفع اديله طبقه ورنيش ؟ ووايه هيه الطريق الصحيحه لتنظيفه؟

  13. Avatar يقول خالد:

    هل من الممكن تفتيح لون الاستر بعد ما تم دهنه ؟ حيث ان اللون مايل للغامق جدا

  14. Avatar يقول ضياء محمد:

    انا عندي وحدات خشبية مقاسات مختلفة من الكونتر ممكن أعرف لو ينفع تدهن شغل خارجي وهيتكلف كام

  15. Avatar يقول ج:

    من فضل حضرتك لو عاوزة ادهن قطع خشب mdf صغيرة كمثلث أو مربع للعبة بازل لأطفال ..لازم كوووول الخطوات دى وللا ممكن ع طول الدهان؟
    وشكرا

  16. Avatar يقول ايمن بدوى:

    اشتريت غرفة نوم مدهونة دوكو ولكن رائحة الدهان قوية جدآ حتى بعدخمسة ايام . ممكن اعمل ايه للريحة دى؟.

    • sayed shandidy يقول sayed shandidy:

      هتاخد فتره بسيطه المفروض ان الشغل كان يتفرش قبل المعيشه فتره وفتح الشباك عموما هسالك متخصص وارد عليك

  17. Avatar يقول .....:

    حضرتك لو ينفع ترد عليا ف أقص وقت جزاك ربى كل خير.
    كنت طلبت من نجار يعمل لى غرفة سفرة المهم النجار من نفسه جهز الغرفة أنها تدهن دوكو وعمل الحاجات كلها مش فاضل غير الدهان. المهم قولنا له عايزنها قشرة قالنا ماينفعش تتتعمل.
    وبعدها بيوم قلنا ممكن اسنفرها و عملها قشرة. هل ده فعلا صح ولا غلط ؟ خايفه ليكون بيضحك علينا

    • sayed shandidy يقول sayed shandidy:

      هوا عموما علشان تركب قشره لازم سنفرة لكى تجهز لتركيب القشره
      2- القشره افضل تحت دهان الدوكو بتريح وملمس افضل من الدهان على الخشب

  18. Avatar يقول آلاء:

    السلام عليكم ، شكرا على المعلومات القيمة وياريت الإفادة ، مطبخي لونه بني غامق جدا استر من ٧ سنين ، ظهرت فيه شقوق طولية في الدرف بعد تركيبه ب ٣ شهور فقط ، حالياً عايزة املأ الشقوق دي وارجع أدهنه تاني بدهان فاتح بيج مثلاً غير لامع هل ينفع ؟

  19. Avatar يقول سامح مصطفي:

    بعد اذنك سيادتك باعمل غرفة اطفال والتجار خلصها خلاص وبتاع اللاكيه قاللي انه حيعملها بالرولة وانا رفضت واشتريت الرشاش الكهربي وقررت اعملها بنفسي هل ممكن الاقي عند يوتين اللاكيه والا هو متخصص في بويات الحوائط.والسؤال التاني بعد اذنك لما اخلص رش وارش المادة الزجاجية فين الافران اللي ممكن اديلهم الغرفة علشان يخطوها فيها.
    شكرا يا افندم

  20. Avatar يقول جمال:

    السﻻم عليكم ورحمة الله وبركاته ممكن اعرف المقادير وطريقة تجهيز ترابيزة بينج بونج دوكو والنسب والمعجونة .وجزاك الله خيرا

  21. Avatar يقول سمر:

    لو سمحت ممكن اعرف المط القشرة المطفى افضل ولا النصف لامع افضل ف غرف النوم

  22. Avatar يقول محمد السيد:

    هو دهان الدكو واللاكيه افضل ولا البولستر ارجو الافاده

  23. Avatar يقول عبدالله:

    هل يمكن استبدال المعجون بمعجون استوك جاهز؟

  24. Avatar يقول عبدالله:

    هل يمكن استبدال المعجون بمعجون استوك

  25. Avatar يقول جي جي:

    عايزة ادهن الابواب بلون خشب البامبو الفاتح كيف احصل على هذا اللون وكيفية دهانه وهل يمكن بعد ذلك دهانه بورنيش الخشب اللامع

  26. Avatar يقول مهندس محمد:

    لو قشرة فرقعت تحت الدهان الدوكو او تحت دهان الاستر حلها اية ؟ ولك جزيل الشكر

  27. Avatar يقول ايمان:

    معلش حضرتك لو في خشب في صيدلية الافضل يتدهن ايه
    وهل التكلفة كبيرة
    ومين اغلى اللاكيه ولا البوليستر

  28. Avatar يقول M7MD:

    ايه الفرق بين الدوكو واللاكية

  29. Avatar يقول alaa:

    استأذنك انا شوفت ف كذا معرض غرف نوم بتبقي شكلها وملمسها زي الزجاج ف اللمعة وعكس الاضاءة وكمان تحس ان جواها برونز ده اسمه ايه

  30. Avatar يقول ابو محمد:

    السلام علىكم ورحمة الله وبركاته

    ممكن طريقة لدهان اوضه اطفال اوف وايت باجزاء ذهبي لاكيه ازاى اقدر اجددها واامكونات

  31. Avatar يقول احمد:

    لو سمحت عايز اعرف الفرق بين الاستر و البوليستر و البولى يوريثان و البورتان لانى مش قادر افهم الفرق بينهم خالص

  32. Avatar يقول غير معروف:

    لو سمح الافضل في الفنش بالنسبه لمطبخ ها يتدهن دوكو انه يتعمل كونتر حور ساده ولا كونتر قشره . والمعجون يستخدم معجون جاهز ولا معجون استوكا بالمصلب . شكرا جزيلا

  33. Avatar يقول أحمد سعيد المصري:

    من فضلك موبليتى كلها دهانات المط الايطالي وعايز اعيد دهانها للتلميع مش اكتر.. هل ممكن اعملها بنفسي؟؟ وايه اسم الدهان اللي اشتريه واعملها بيييه بنفسي ..

  34. Avatar يقول محمدميدو:

    الله ينور عليك ياهندسه

  35. Avatar يقول محمدميدو:

    الله ينور ياباشا والله

  36. Avatar يقول مني احمد:

    لو سمحت ارجو سرعه الرد انا عملت المطبخ بتاعي لاكيه نبيتي وطلع وحش اوووووي ومحتاجه اغير الدهان لحاجه افضل بس ماتكنش التكلفه عاليه قولي اعمل ايه وهل ممكن الزق قشره ارو عليه وادهنو ولا لا ارجو سرعه الرد في انسب حل ليه ايه

    • sayed shandidy يقول sayed shandidy:

      هوا الافضل الدهان يتسروخ وبعدين تعملى قشره افضل وبعدين الدهان اللى تحبيه بس هيكون كل شئ مكلف فى كل الحالات

  37. Avatar يقول ايه زهران:

    ازاى ادهن غرفه نوم اطفال قشره لونها بينك وعاوزه اعملها ابيض في بنى واى الادوات المطلوبه

  38. Avatar يقول EE:

    أنا دلوقتى كنت عايز اوضة اطفال اللى هي الالوان المنتشرة حاليا روحت لنجار يعملهالى عمول قالي ان الدوكو دة حامي علي الخشب ومش بيعيش
    وبيعمل تشققات لو فى اوضة حر والاوضة فعلا حر عندى واقنعنى اعملها استر لون فاتح هل الكلام دة فعلا بيحصل ولا هوة بيقولى كدة عشان اسهلة

  39. Avatar يقول محمد ناصر:

    عايز اعرف اعمل الباب اشبونش

  40. Avatar يقول esraa abd el aziz:

    السلام عليكم
    اشكرك جداعلي الموضوع الرائع والطريقه المبسطه جدا ف الشرح
    عندي مطبخ زان عاوزه اجدد دهانه بنفسي نظرا لغلاء الاسعار
    بس مش عارفه اشيل الدهان اللي عليه ولا ادهن فوقه علي طول؟
    وياتري هحتاج انضفه بماده ما علشان بقاله فتره عندي فيبقي الدهان الجديد نضيف تماما ؟
    وكمان مش عارفه هحتاج ايه لدهانه (الخامات )
    وياتري لازم مسدس رش ولا ممكن يدوي بالفرش ؟
    وشكرا جدا لحضرتك

  41. Avatar يقول منى مجدي:

    طيب أنا عملت مطبخ بكونتر عادي مش مكبوس قشرة..هل من الأفضل أعمله دوكو؟ ولا أستر غامق؟
    ونفس السؤال لو في غرفة النوم، لسه هعملها، هل من الأفضل أعملها بكونتر مكبوس قشرة آرو على طول زي الجود وود مثلاً أو حتى الفرست، وبعدها تتعمل أستر، ولا لو عملتها بكونتر سادة هيبقى في خيار آخر غير الدوكو؟

  42. Avatar يقول ساره محمود:

    ما راى حضرتك فى الخشب العزيزى للمطابخ

  43. Avatar يقول ام لينا:

    عاوزة اشتري غرفة اطفال خشب وادهنها عند حضرتك لاكية ابيض . ولو العفش مدهون اسطر لامع ممكن يتدهن لاكيه . انا من القاهرة ارجو ترك رقم حضرتك

  44. Avatar يقول دكتور السيد:

    ماهي دوحة اللمعان الأفضل والاشيك للدهان الابواب الاستر بروتان ٢٥. ام ٤٥%

  45. Avatar يقول عزة محمد:

    لو سمحت عاوزة ادهن البرقع بتاعى زى دهان دمياط بس من غير ورق الدهب لانه مكلف ممكن الخطوات والمكونات لو بتتعمل ببودرة الدهب

  46. Avatar يقول عزة محمد:

    لو سمحت عاوزة ادهن البرقع دهان زى دمياط بدهنوه ببودرة الدهب ولا بايه ممكن المكونات والخطوات بعد اذنك مش عاوزة اللى بورق الدهب لانه مكلف

  47. Avatar يقول نور:

    كنت عاوزه استفسر من حضرتك يعني ايه العفش يدخل فرن وهل حقيقي النجار ممكن يعمل العفش عنده ف اوضة مغلقه ويرشه ويسيبه ف غرفة مغلقه وكده يكون دخل فرن ممكن ترد عليه لاني محتاره جدا في الموضوع ده

  48. Avatar يقول نور:

    الفيلر أو السيلفيسر دا بيتخف بأية ونسبة كام لو سمحت

  49. Avatar يقول غير معروف:

    شكرا جدا لحضرتك
    عندي سؤال من فضلك عاوزه اجدد غرفة بنتي وهي كانت قشره الصح ادهنها دوكو ولا ادهنها لاكيه انا عاوزها ابيض في بينك
    ممكن حضرتك تعرفني ايه الافضل الي يعطيني نتيجه مرضيه

  50. Avatar يقول احمد مدحت:

    السلام عليكم بشمهندس سيد انا عندي سؤالين مهمين جداً لو تسمح من وقتك تجاوبني عليهم

    اناعايز اعمل لوحة خشب لمكتب table top والخشب اللى عايز اعمله يبقي زي خشب Ikea بالظبط وده مثال للمنتج اللى بيعرضوه عندهم في الموقع

    https://www.ikea.com/us/en/catalog/products/00251135/#/00251338

    ودي صورة مثال علي خشب اللى عايزه

    https://www.ikea.com/PIAimages/0123718_PE279856_S5.JPG

    فسؤالي الاولاني ايه نوع الخشب اللي بيستخدموه في طربيزه المكتب Modern اللى حضرتك شوفتها دلوقتي ؟

    اما بالنسبة للسؤال التاني انا لما اجيب الخشب طبعاً مش هيبقي مدهون , انا عايز ادهنه بطريقة معينه يكون لون اسود لميع ميبنش انه خشب اصلاً ولا يظهر فيه عرق الخشب او اي حاجه زي الفيديو ده

    https://www.youtube.com/watch?v=vwRFv6LFKf0

    عايز اعرف ايه نوع الدهان اللي يعمله عشان يطلع الخشبة بالمنظر اللى زي ما هو موضح في الفيديو

    ومتشكر جداً في افادة الناس بمعلوماتك القيمة ربنا يجعله في ميزان حسناتك

    • sayed shandidy يقول sayed shandidy:

      مبدئيا دا نوع خشب اسمو bvc هوا مش بيكون دهان دا نوع ملزوق ماده الواح كبس جاهزه زى شغل التركى وهكذا واوربا
      اما لو عاوز تظهر مسمات التجزيع بتلزق قشره وتدهن دهان يظهر القشره

  51. Avatar يقول وليد:

    لو سمحت عندى غرفه اطفال اسط عايز اقلبها لاكيه ممكن تساعدنى تتعمل ازاى واى الخطوات المتبعه

  52. Avatar يقول حسن على:

    صبغه البطانه على الابلكاش السه بالحصى والاكسيد بتبقا ديما ميلا للبنى الممحمر لو عايز اقلبه بنى شكلاته فاتح بس ميكنش محمر بتكون ايع بطانتو ولكم جزيل الشكر

  53. Avatar يقول يحيى محمد:

    من فضلك هل فيه مكان بيدهن دوكو فرن شفاف فعليا فى كابينة مغلقه وكده ولا كله بيدهن بالورنيش وخلاص ويقولوا دوكو فرن ؟؟

  54. Avatar يقول احمد مانو:

    انا رشيت بوليستر ينفع بعده اصنفر وارش فيلر واسحب معجونة دوكو قبل التشطيب ولا قبل الفيلر افضل

  55. Avatar يقول احمد عرابى:

    المطبخ قشرته فرقعت ممكن اركب الواح خشب اكليرك عليها ولا ادهنها دوكو افضل

أترك تعليق

*